မဟော်သဓာ၊ ကိုတာ နဲ့  လိုသလို ရွတ်ဆိုခြင်း

လာပြန်ပြီနောက်တစ်မျိုးလို့ပဲ ပြောလိုက်ချင်တော့တယ်။ ကျနော်ပဲ မျက်စိစွေနေသလား။ တမင်တကာ အလွဲတွေကြီး လုပ်နေသလား။ ဝိဇ္ဇာတွေ ထွက်ခါနီးလို့ အရူးစခန်းဝင်သလို ရူးချင်ဟန်ဆောင်နေသလား။ ခင်းဗျားတို့ပဲဝိုင်း စဉ်းစားကြပါဦး။ စီဗောက်မှာ အလံရှုးတွေ တရုန်းရုန်းနဲ့ ဘလော့ဂ်မှာ ရေးထားတဲ့ စာတွေဖတ်ပြီး ဝေခွဲမရတာလေးတွေပါ။

ပထမဆုံးက စာရေးဆရာကိုတာရေးတဲ့ ဖြန့်ထွက်တွေးခေါ်ခြင်း စာအုပ်ကြီးကိုင်ပြီး ခပ်တည်တည် ဘောင်ခတ်ပေးတဲ့ကိစ္စပါပဲ။ နအဖနဲ့ ဒီမိုကရေးစီ ဘက်တော်သားတွေဟာ တစ်ဖက်နဲ့တစ်ဖက် အပြုတ်တိုက်ရေး လုပ်နေတဲ့အတွက် အဲဒီဘောင်ထဲမှာ ပိတ်မိနေကြတယ် ဆိုတဲ့ အချက်နဲ့  စစ်မြှူလိုက်တယ်။ ဆက်ဖတ်မှ အပြုတ်တိုက်ရေးကနေ နှစ်ဘက်လုံး အမြင်ပြောင်းပြီး ဘယ်တော့မှ လမ်းမှန်ရောက်မှာမဟုတ်တဲ့ မြေပုံ စာရွက်စုတ်ကြီး ကိုင်ဖို့  တွေးခိုင်းမှန်းသိရတော့တယ်။ တကယ်တော့ ဒီမိုကရေစီလိုလားသူ အများစုက စစ်တပ်ကို အပြုတ်တိုက်ရေး လုပ်မနေတာ သေချာပါတယ်။ ကျနော်တို့ တကယ်တိုက်ထုတ်ချင်တာ စစ်တပ်တစ်ခုလုံးကို အမှောင်ထဲ ဆွဲခေါ်နေတဲ့ နအဖ ဗိုလ်ချုပ်ဆိုတဲ့ လူအနည်းစုပါ။ ကဲ ထားပါတော့၊ သူရေးထားသလို ဒီဘက်က အပြုတ်တိုက်ချင်တဲ့ ဘောင်ကို ကျော်ပြီး တွေးမယ်။ နအဖ ဘက်ကရော ဒီမိုကရေစီ ကို လမ်းပြမြေပုံ ပါမှ ရောက်မယ်ဆိုတဲ့ ဘောင်ကို ကျော်ပြီးတွေးဖို့ ရေးပါလား ကိုယ့်ဆရာရယ်။ လမ်းပြမြေပုံလည်း မပါပဲ ဖြန်တွက်တွေး ကြည့်ရအောင်လေဗျာ။

နောက်တစ်ချက်က တိုင်းပြည် ရှေ့ရေး ကောင်းဖို့ အတွက် Win-Win Solution ရှာဖို့ တိုက်တွန်း ထားပါတယ်။ ပညာရှင်တွေလိုတော့ အဲဒီဟာ ဘယ်တုန်းက ခေတ်စားလာတယ် ဘယ်နေရာတွေ သုံးတယ်ဆိုတာ ရွတ်မပြနိုင်ပေမဲ့ ကျနော်တို့ မြန်မာမှာ ရှဥ့်လည်းလျှောက်သာ၊ ပျားလည်းစွဲသာ ဆိုတဲ့ စကားက အဲဒီ အခေါ်အဝေါ် မပေါ်ခင် တော်တော်စောစော ကတည်းက ရှိပါလိမ့်မယ်။ ဒါပေမဲ့ အဲဒီနည်းလမ်းက နေရာတကာ သုံးမရတာသေချာပါတယ်။ ရည်းစားလုဘက်နှစ်ယောက် အဲဒီ နည်းသုံးမရဘူး။ ဘုရားနဲ့ မာရ်နတ် အဲဒါသုံးမရဘူး။ နအဖ သာ အဲဒီနည်း တကယ်သုံးချင်ရင် ဒီလောက်နှစ်တွေ အကြာကြီးဖြစ်လာမှာ မဟုတ်တာသေချာတယ်။ အာဏာရှင်နဲ့ ဒီမိုကရေစီကြားမှာ Win-Win Solution ကို ဘယ်တော့မှ အသက်သွင်းလို့ ရမှ မဟုတ်ဘူး။

နောက်ဆုံးတစ်ခု ကတော့ ထုံးစံအတိုင်း မဟော်သဓာ သားတရားစီရင်ခန်းကို လိုသလို စွဲသုံးပါရော။ မိခင်အရင်းက ကလေးနာမှာစိုးလို့ အလျှော့ပေးလိုက် တယ်။ မဟော်သဓာက မိခင်အစစ်နဲ့ ဘီလူးမကို ခွဲခြားပေးလိုက်နိုင်တယ်။ သူပြောချင်တာတော့ တပ်မတော်ဆိုတဲ့ ဘီလူးမကို ဒီမိုကရေစီ ဆိုတဲ့ မိခင်အရင်းက တိုင်းပြည်မနာအောင် လျှော့ပေးလိုက်ဆိုတဲ့ အဓိပ္ပါယ်လိုနားလည်ပါတယ်။ ဒါပေမဲ့ ပုံပြင်ထဲမှာ မဟော်သဓာသတို့သားက ဘီလူးမက ကလေးကို ဘာမှ မလုပ်ခင် မိခင်ရင်းလက်ထဲ ပြန်ထည့်ပေးခဲ့တာကိုးဗျ။ ဒီ နအဖ နဲ့ ပြည်သူကြား ဘယ်မလဲ မဟော်သဓာ။ နောက် ကပ်ဖဲ့ပြောရမယ်ဆို တပ်မတော်သာအမိ တပ်မတော်သာ အဖ လို့ အော်နေတဲ့လူတွေကပဲ မိခင် အရင်းနေရာနေပေါ့ဗျား။ မဟော်သဓာလည်း ရှိမှာမှ မဟုတ်တာ။ အတိုက်အခံတွေ လက်ထဲကိုပဲ ဘီလူးပြောပြော သဘက်ပြောပြော ပြောချင်တာပြောပြီး တိုင်းပြည် ကို အသာတကြည်ပေးလိုက်ပါလား။ တိုင်းပြည်မနာအောင်ပြောပါတယ်။ ဒါပေမဲ့ ပြည်သူသာအမိ၊ ပြည် သူသာအဖကို ဇောက်ထိုးလုပ်တဲ့ လူတွေက အာဏာလက်မဲ့ မနေရဲဘူး ဆိုတာသိပြီးသားပါ။

သူ့ဒီဆောင်းပါဖတ်ပြီးမှပဲ သူ့ရပ်တည်ချက်ကို သဘောပေါက်တော့တယ်။ သူဟာ လိုအပ်ရင် စစ်တပ် မကောင်းတာလည်း ရေးမယ်။ ဒီမိုကရေစီ ဘက်သားတွေ မကောင်းတာလည်း ရေးမယ်။ သူ့အပြောအတိုင်းဆိုရင်တော့ ဖြန့်ထွက်တွေးခေါ်မယ်ပေါ့လေ။ လမ်းပြမြေပုံကို မထိခိုက်သမျှ ဖြန့်ထွက်တွေးပြပါလိမ့်မယ်။ ဇာနည်၊ အေးလွင်လက်သစ်လား၊ မြက်ခင်းသစ် အွန်လိုင်းဗားရှင်းလား ဆိုတာတော့ ဆက်စောင့် ကြည့်လိုက်ဦးမယ်ဗျာ။ သူ့လေနဲ့ ဆိုရင်တော့ ဖြန့်ထွက်တွေးကြည့်မိတာလေး ဝေငှလိုက်တာပါပေါ့ဗျာ။

ဒွန်ကွီးဇိုး