ဒေါင်းတို့ပြောသော မီဒီယာပုံပြင်များ (၃) - ညပ်ခိုင်

ဝဖိုင့်ဖိုင့် အဆီပြန်သောမျက်နှာနှင့် ဆံပင်ကို ဆီမပြတ်လိမ်းထားတတ်သည်။ မည်းသော မျက်နှာတွင် အချိုင့် အခွက်တွေနှင့်။ လက် ကောက်ဝတ်မှာ ဆင်ထားသော ရွှေဟမ်းချိန်းကြီး၊ ရွှေလက်စွပ် ပြူးတူးပြဲတဲကြီးနှင့် အုန်းဆံကြိုး ရွှေဆွဲကြိုးကြီး တပြောင်ပြောင်နှင့်။ ရွှေ ဟမ်းချိန်းကြီးကို မြင်သာအောင် အင်္ကျီလက်ရှည်ကို အမြဲခေါက်ဝတ်၏။ ရွှေဆွဲကြိုးကို မြင်အောင် ရင်ဘတ်ကြယ်သီးကို အမြဲဖြုတ်ထား သည်။ ခြုံကြည့်လိုက်ပါ။ အပြင်မှာ မြင်သူရော၊ ယခု စာဖတ်သူကပါ ကားပွဲစားလား၊ ကန်ထရိုက်လားဟု ထင်ကြပေမည်။




မဟုတ်ပြီ။ အနှီ အဆီပြန် ပွဲစားရုပ်နှင့် ချီးထုပ်ဟု သမုတ်ခြင်းခံရသူကား ကျွန်ုပ်တို့၏ ဇာတ်လိုက်ရှော်ကြီး “မြတ်ခိုင်”တည်း။ သို့သော် လည်းတဲ့ ပေါ့လေ၊ ညပ်ခိုင် ဆိုလို့ ဂျကားအပီဘူး..အဲလေ စကားမပီဘူး မထင်ကြပါနဲ့။ အချောင် ကြားညပ်ထဲကနေ နေရာယူသွားပြီး စားပေါက် ခိုင်သွားသောကြောင့် “ညပ်ခိုင်”ဟု အမည်သညာပေးလိုက်သည်။

သြော်..ညပ်ခိုင်..ညပ်ခိုင်။ ဒင်းသည်ကား တကယ်တွင် ခေသူကား မဟုတ်ပေ။ “ငဖွကြီး”ဟုသော အမည်တစ်လုံးဖြင့် မြန်မာ Yellow စာ နယ်ဇင်းလောကတွင် နေသူတည်း။ (Yellow စာနယ်ဇင်းဆိုသည်မှာ ဆယ်လစ်ဗရစ်တီများ၏ အညှီအဟောက်သတင်းများ၊ နာမည်ကြီး ဖြစ်ချင်သူ မိန်းကလေးတို့ ဖင်ကော့ ရင်ကော့နှင့် ဓာတ်ပုံအရိုက်ခံ ဖော်ပြရာ ဂျာနယ်၊ မဂ္ဂဇင်းများ ဟူလို။ ဤကား မြန်မာပြည် Context)

ရဲလိုး စာနယ်ဇင်း ပညာကိုလည်း အထင်မသေးနှင့်။ မရှင်းမရှင်း ဖြစ်နေသော မင်းသားနှင့် မင်းသမီးကို “သီးခြား” အင်တာဗျူးပြီး “တစ် မျက်နှာတည်း”တွင် ပူးတွဲဖော်ပြခြင်း၊ “ချော်လဲသော” မင်းသမီးကို “မီးယပ်ဆရာဝန်ကြီးက” အထူးကြပ်မတ် ကူးသပေးခြင်းကဲ့သို့သော အဓိပ္ပာယ် နှစ်ခွထွက်သည့် ခေါင်စဉ်တပ်တတ်ရခြင်း၊ မိန်းမဘ၀မှ ယောင်္ကျားဘ၀သို့ ပြောင်းသွားသူ အကြောင်းအား “လက်ကုန်နှိုက်၍” တင်ပြလိုက်ခြင်း စသောယုတ်မာသည့် အဓိပ္ပာယ်ထွက်အောင် ဖွတတ်ရခြင်း၊ စသည်စသည်ဖြင့် ပြောကုန်နိုင်ဖွယ် အတတ်ဆန်းတို့ ဗြန်း ဗြန်းကွဲအောင်ပါသတည်း။

ညပ်ခိုင်သည် အကယ်စင်စစ် န.အ.ဖ ကို ဆန့်ကျင်လိုသူတည်း။ ခင်ညွှန့်လက်ထက်တွင် မထိတထိ သတင်းဖော်ပြသဖြင့် ဘိုမှူးအေး ထွန်း (စာပေဖက်ဆစ်မှူးဟောင်း) ရုံးတွင် ကန်တော့ပွဲနှင့် တောင်းပန်ရခြင်း စသည်တို့လည်း ရှိဖူးသတတ်။ စစ်အုပ်စုကိုလည်း မျက်မုန်း ကျိုးပေ၏။ သို့သော် ယခုမူကား ဘယ်သို့ဘယ်ပုံ ဆိတ်လစိ ဟိုဒီပြေးကပ်သလို အလွယ် ဘက်ပြောင်းလေသနည်း။ ရှင်းအံ့။ ခင်ညွှန့်လက် ထက်တွင် ညပ်ခိုင်သည် ထုတ်ဝေခွင့်ထပ်မကျ။ သတင်းဂျာနယ် မဂ္ဂဇင်း ရွှေခေတ်တွင် ညပ်ခိုင်သည် သူ၏ ဖေတော့မောင်တော့ ဂျာနယ် အစား သူရိုသေ ရှင်ရိုသေ လုပ်ချင်၏။ ထိုသို့သောအခိုက် ခင်ညွှန့်အပြုတ်၊ စာပေဖက်စစ်ရုံးသည် ပြည်ထဲရေးမှ ပြန်ကြားရေးလက် အောက် အရောက်၊ အိညှက် အိညှက် ဂျပုကျော်ဆန်းလေနဲ့ အမိ၊ သူ့ကိုယ်သူ ဂျာနယ်လစ်ထင်နေသော စာပေဖက်ဆစ်မှူးသစ် ဇာတ်မင်း သားလိုလို ဘာလိုလိုအကောင် မရဲတရဲတင့်ဆွေနှင့် အတွေ့မှာ broke back journalist ဖြစ်ရှာလေသတည်း။ (broke back ဆိုတာ မသိ ရင် လက်တို့ပြီး မေးကြ။ ကျုပ်တည်တည့် ဘာသာပြန်ထည့်လိုက်ရရင်တော့ F င်ရိုး F င်ခံလို့ပဲ။)

စာနယ်ဇင်းသမားတို့ကို အမြဲစိန်ခေါ်နေသော ပြဿနာဖြစ်သည့် “စစ်အုပ်စုနှင့် ပေါင်းပြီး ဘုရားထူးကာ အခွင့်ထူးခံမည်လော”၊ “ဖာသိဖာ သာနှင့် မကပ်မဖားဘဲ မှန်တာကိုလုပ်၍ အဖိအနှိပ်ခံနေမည်လော” ဟုသော Option နှစ်ခုတွင် သူ့ဆရာ အထောက်တော်လှအောင်ကဲ့သို့ ပင် များစွာအူမ မတောင့်နိုင်သော ညပ်ခိုင်သည် သီလမစောင့်နိုင်ဘဲ စစ်အုပ်စုကို ဘုရားထူးကာ ဖင်ပေးပေါင်းရသည့်ဘ၀ကို ရွေးခဲ့လေ သတည်း။

အဖွ၊အပွတွင် မြတ်ခိုင်လောက် တော်သည့်ကောင်ကား မရှိပြီ။ သတ်သတ်လွတ်စားသော မြတ်ခိုင်သည် အညှီအဟောက်သတင်းကို အနံ့ ခံရာတွင် ခွေးထက်ကောင်း၏။ အရက်မသောက်သော မြတ်ခိုင်သည် မော်ဒယ်လ် လက်သစ်မလေးများ၏ ကိုယ်ရနံ့နှင့် မူးမူးနေ၏။ လူ တွင်ကျယ်လုပ်တတ်သော ညပ်ခိုင်သည် ဒုက္ခိတအဖြစ် တွန်းလှည်းနှင့် နေနေရသည့် မယားကို သေအောင် ကြောက်ရ၏။ “သေလျှင် ပြီး ပြီ”ဟု စာတမ်းချိတ်ထားသော ညပ်ခိုင်သည် ဘာအလုပ်မဆို ဒုက္ခိတ မိန်းမကြီးပြီးမှ ပြီး၏။ ထိုမိန်းမမှာ မြတ်ခိုင်၏ နောက်မိန်းမဖြစ်သည်။ ဟိုခေတ် နာမည်ကျော် ရုပ်ရှင်သရုပ်ဆောင် တစ်ယောက်၏ မိန်းမဖြစ်သည်။ သူနဲ့ လိုက်ပြေးပြီးခါမှ ကားအက်ဆီးဒင့်ကြောင့် ခြေထောက် တစ်ချောင်း ဟိုသင်းပြုလိုက်ရပြီး ဒုက္ခတဖြစ်သွား၏။

ညပ်ခိုင်တွင် ဖအေ့ခြေရာနင်းမည့် သားတစ်ကောင်ရှိ၏။ ဇေယျာမြတ်ခိုင် တွင်သတည်း။ ဘာကောင်မှ မဟုတ်ခင်ကပင် (အခုလည်း ဘာ ကောင်မှ မဟုတ်သေးပါ။) တာမွေဗလီထိပ်က ဟော်တယ်၌ ဖာသည်မတွေခေါ်လာ၊ ပြဿနာတက်ပြီး မြတ်ခိုင်သားကွဆိုပြီး လူပါးဝခဲ့ သည့်ကောင်။ (ဒါပေမယ့် ဟော်တယ် မန်နေဂျာက မြတ်ခိုင်ဆိုတာ ဘာကောင်မှန်းမသိပါ။) ခုလည်း မိန်းမကို ဟိုတစ်ယောက်၊ ဒီတစ် ယောက် ယူသည့်ကောင်။ ၀က်သားဒုတ်ထိုးတွေ နင်းကန်စားပြီး ၀က်ပုံပေါက်နေသည့်ကောင်။ သောက်ချိုးကတော့ မပြေချေ။ သူတို့သား အဖနှစ်ယောက်တူသည့် အချက်ကား ပွဲဟေ့ဆိုလျှင် ကင်မရာကြီးတကားကားနှင့် လူလုံးပြတတ်ခြင်း၊ ပရိတ်သတ်၏ အမှတ်မထင်သော အပြုအမူများကို ဓာတ်ပုံခိုးရိုက်ခြင်းနှင့် ဖွန်ကြောင်ခြင်းတို့ ဖြစ်လေသည်။ (အတည်မပြုရသေးသော သတင်းအရ မြတ်ခိုင်တို့သားအဖ သည် မိန်းမတစ်ယောက်တည်းကို မယားလုပ်မိရက်သား ဖြစ်နေသည်ဟု ဆို၏။)

ညပ်ခိုင်အကြောင်း ပြောမယ်ဆိုရင် ကိုစောဝေနှင့်ကိစ္စကို ထည့်မပြောလျှင် ဒီစာအဆုံးသတ်၍ ရမည်မဟုတ်။ ကိုစောဝေသည် ထိုကဗျာ ကို ပုံနှိပ်ထုတ်ဝေရန် ရေးသည်မဟုတ်။ ရေးထားတာကိုလည်း မြတ်ခိုင်ကို ပေးတာမဟုတ်။ မြတ်ခိုင်က အမှတ်တရဆိုပြီး အတင်းတောင်း ထားလိုက်ခြင်းသာ ဖြစ်သည်။ ပြီးတော့ မြတ်ခိုင်သည် မထိတထိ သူ့စောက်ကျင့်အတိုင်း နားလှည့်ပါးရိုက် လုပ်လိုက်ရာမှ အလည်လွန် တဲ့ဘီး ချီးသင့်သွားခြင်းဖြစ်သည်။ PoFP ကို သူလုပ်တဲ့ ဂျာနယ်တွေ ယူလာခဲ့စမ်းပါ။ ဘယ်နေရာမှာ ဘာကြောင့် ဘယ်လိုလုပ်သလဲဆို တာကို ရှင်းပြလိုက်ချင်စမ်းသည်။ ပြောရလျှင် ညပ်ခိုင်သည် Ethics လုံးဝမရှိ။ စောင့်စည်းမှုဆိုတာ လုံးဝမရှိ။ ဖွဖို့ဆိုလျှင် ဘာဖြစ်ဖြစ် လုပ်မည့်သူ။ ခုလည်း သူလုပ်ပြီး ကိုစောဝေက ဓားစာခံဖြစ်သွားသည်။ ခုလည်း “အချစ်” ရပ်ထားရလို့ နောက်တစ်စောင် ထပ်ထုတ်မည် တဲ့။ စာပေဖက်ဆစ်လောကမှာ ဒီလို လွယ်လွယ် လုပ်၍ ရရိုးထုံးစံ မရှိ။ မြတ်ခိုင် ဘောမဖြစ်နေ၍သာ ရသည်ဆိုတာတော့ ပြောနေစရာမ လို။ ဘာဖြစ်ဖြစ် ညပ်ခိုင်သမိုင်းကား အမည်းစက်စွန်းရုံမက သမိုင်းတစ်ခုလုံး ကတ္တရာအိုးထဲ ကျလေပြီ။ ချဉ်ဖတ်ကြီးလုံးလုံးဖြစ်လေပြီ။ စာပေသမားတွေက ကျဉ်သွားပြီ၊ ချဉ်သွားပြီ။ နင်သွားပြီ။

ကြည့်နေ၊ ဘယ်နေ့မှာ စာသမားတွေ ချောင်းရိုက်တာ ခံရမလဲဆိုတာ။ စာသမား၊ ကဗျာသမားဆိုတာ ကလောင်နဲ့ထိုးမရရင် မူးမူးနဲ့ ချောင်းရိုက်မယ့်လူတွေ။ မြတ်ခိုင် လူတောတိုးရဲနေသေးရင် ကြိုက်သလိုပြော။ အဆီပြန်တဲ့ မျက်နှာကြီးကတော့ န.အ.ဖနဲ့ ပေါင်းကတည်း က သောက်ရှက်ရှိတော့မှာ မဟုတ်ဆိုတာတော့ အားလုံးသိပြီး ဖြစ်ကြပေလိမ့်မည်။

ယောဆရာနှင့် PoFP