ဟက်တက်ငြီးငြီး ရယ်ဟီးသံတွေနဲ့
မသာမိတ်ကပ်တွေလိမ်းရင်း....
မကောင်းဆိုးဝါးတွေ တွန်ကြ....။
လူရိုးတွေ ပရမ်းပတာရိုက်လို့
စည်းဝါးလိုက်ရင်း.....
မိစ္ဆာဗုံတွေ တီးကြ...။
သွေးစုတ်ဖုတ် ပိတုန်းကောင်တွေကလည်း
နေရာအနှံ့ တ၀ီဝီခေါ်ရင်း တုတ်ကြ....။
နာနာဘာဝလည်း နာနာဘာဝလောက်
အစွမ်းတွေပြကြ....အခွင့်ရှိသမျှပေါ့...။
လောင်မီးကျ မြေပြင်မှာမှ
သဇင်ပန်းပန်ရင်းပြုံးချင်ရသေးသတဲ့...
သူတို့ရဲ့ညဥ့်တွေမှာပေါ့လေ....။
ပွဲမိန့်ပါမစ်ကလည်း .... သူ့လက်ထဲမှာဘဲကိုး..။
မသတီစရာ ဖန်ဆင်းမှုတွေထဲမှာ
မျက်စေ့လည်စရာ ကောင်းတဲ့အထဲ
တစ်ချို့က....
မျက်စေ့လည်ချင်ယောင်ဆောင်ရင်း.....ရူးနေကြ။
“ လ ” ကတော့မိုက်နေဆဲဘဲ....
ကြယ်ကြွေအချို့ရဲ့တိမ်မြုပ်မှုတွေနဲ့။
မာယာလမ်းတွေ ဖောက်တော့...
အာသာငမ်းငမ်း လမ်းလျှောက်ကြ..
ဖြတ်သွားသမျှလည်း
ဖမ်းစားလိုက်လို့ဖုတ်နာတွေ ကပ်နေကြ...။
အစွမ်းရှိသလောက်တော့ကကြမှာ...
တစ်ချို့ကလည်း ပွဲကောင်းသတဲ့လေ...
သေလိုက်ကြတာမှ..။
သွေးစုတ်လို့သေတဲ့အခါ
ဖုတ်သက်ပြန်ဝင်ရင်းဘဲ...
သွေးစုတ်တတ်သွားကြပြန်ရော...။
အင်း........
သူတို့ဆိုင်းချက်တွေ ပိုပြင်းလာတယ်
“က” ကွက်တွေ ဆန်းလာတယ်...
ပိုး ဖဲ စိန် ရွှေ တွေ ပိုဝတ်ပြလာတယ်
“က” ရင်း “ပြုံး”ရင်း...
သွေးပေတဲ့ အစွယ်တွေ ပိုရှည်လာတယ်..။
ရိုးမနားဆိုတော့....
တောနက်တယ် တောင်ထူတယ်...
အဲဒီရိုးမတောင်ကြားကဘဲ..
ပုဇွန်ဆီရောင် သန်းလာလိမ့်မယ်...
တို့လက်တွေသာ..သတိနဲ့ဆုပ်ကိုင်ထားပါ...
မိစ္ဆာတွေခင်းတဲ့ ပွဲခင်းဆိုတာ
နေမထွက်ခင်လေးဘဲစွမ်းတာ....
လှပ ခန့်ငြား ထယ်ဝါလိုက်တာလို့ ...
အူကြောင်ကြောင် မတွေးနဲ့...
မိုးလင်းတဲ့အခါ
“ကြပ်” ရွာဆိုတာ....
ပျဉ်းမနားဘက်မှာ ရှာတွေ့မှာကိုမဟုတ်တော့ဘူး...။
NZ
Monday, January 28, 2008
ညဥ့်ပွဲခင်း
Subscribe to:
Post Comments (Atom)
1 comments:
ကဗျာမိုက်တယ် NZ ရေ။ စာတစ်ကြောင်းတိုင်းက ဓါးတစ်စင်းပဲ။
Post a Comment