ရွက်ကြွေတွေကြားထဲမှာ
မျက်ရည်တွေပွားနေခဲ့
အခါလွန်မိုးကို မျှော်ရင်း
မျှော်လင့်ခြင်းလွင်ပြင်တို့လဲ
အက်ကွဲကြောင်းတို့နဲ့ ပြည့်နှက်ခဲ့ရပြီ။
ရာသီတို့ဟောင်းနွမ်း
မပြောင်းနိုင်တဲ့ ကြေကွဲစရာဇာတ်လဲ
တခန်းရပ်ဖို့ကောင်းခဲ့နေပါပြီ။
ရာဇ၀င် သမိုင်းရဲ့
အကျည်းတန် အရိုင်းစာမျက်နှာတွေမှာ
သွေးတွေနဲ့ ပန်းချီမဆန်တဲ့ဟန်ကိုရေးဆွဲ
ခေါင်ရမ်းပန်းတို့လဲ လှိုင်လှိုင်ဖူးပွင့်ခဲ့ရပြီ။
ဧဒင်ဥယျာဉ်ကို သွားချင်တာပေါ့ဗျာ။
စက်ပစ်ကွင်းထဲ လမ်းဖြတ်လျှောက်ရမှတော့
ငှက်ဖြစ်မှဘဲ လွတ်တော့မယ်ထင်ပါရဲ့။
ခုတော့ လမ်းတဲ့ဗျာ။
သေနတ်တွေနဲ့ပြဌာန်းထားတဲ့ ဒီလမ်း "ရသ" က
လမ်းဆုံးမှာ ထမ်းပိုး
နောက်ပြန်ဆုတ်ချင်ရင် လှည်းဒုတ်
ကဲ ကျုပ်တို့ ဘာလုပ်ကြမလဲ။
ယုံယုံကြည်ကြည်သာသွားပါတဲ့။
သေနတ်နဲ့ အချိန်ခံထားရတဲ့လမ်းမှာ
မဲ့ပြရင်တော့
ကျည်ဆန်တွေ ပလူပျံပြီလို့မှတ်။
ပြုံးပြတော့လဲ
အစွယ်ကဖွေးဖွေးလက်လို့
ကဲ.. လျှောက်ချင်ရင် မျက်ကန်းတို့လျှောက်ကြချေ။
လမ်းဆိုတာ သဘာဝတရားမဟုတ်
လူတို့ဥာဏ်ကစားတဲ့ အမှန်တရား
လမ်းဆိုတာ သဘာဝတရားမဟုတ်
လူတို့လိုရာသွားဖို့ အခင်းတံတား
လမ်းဆိုတာ သဘာဝတရားမဟုတ်
လူတို့ကို အန္တရာယ်ကင်းစေတဲ့ သဘောတရား
လမ်းဆိုတာ .... သဘာဝတရားမဟုတ်
လူအများရဲ့ ဆန္ဒကိုပြီးမြောက်စေသော သဘောတရား
လမ်းဆိုတာ .............. သဘာဝတရားမဟုတ်
လူတို့ရဲ့ အဖြည့်ခံ သဘောတရား
မြို့လယ်ခေါင်ကိုသွားဖို့ တစ်လမ်းသာရှိသတဲ့လား။
တလမ်းမောင်း လမ်းတလမ်းသာရှိသော
မဟာမြို့လယ်ကို ကျနော်မသွားလို
ဖောက်ပြန်တဲ့ သဘောနဲ့
နောက်ပြန်ဆွဲမှ အိမ်ပြန်ရောက်မဲ့လမ်းဆိုတာ
ကားမောင်းလို့ရမယ်မထင်ပါ။
နေနတ်နွယ်
Wednesday, February 20, 2008
လမ်း
Subscribe to:
Post Comments (Atom)
0 comments:
Post a Comment